यो मनमा सुख शान्ति आउने, कहिले होला

यो मनमा सुख शान्ति आउने, कहिले होला
बहार खुशीको मनभरी छाउने, कहिले होला ।

बेचैन हुन्छु आँफै-आँफै यो जिन्दगीलाई देख्दा
कल्पना मनका सबै साचो पाउने, कहिले होला ।

नटुङिने एउटा यात्रा रहेछ शायद यो जिन्दगी
हिड्दा हिड्दै सफलताले पछी धाउने,कहिले होला ।

हास्न एक्पल जिन्दगीमा सयौ पटक रुनु पर्ने
रोएरै भएपनी मनको गीत गाउने, कहिले होला ।

सुख भन्दा दु:ख धेरै रहेछ जिन्दगीको अर्को नाम
सँगालेरै पिडा सबै पाखा लाउने, कहिले होला ।

रेशम श्रेष्ठ
हुवाश्-३, पर्वत ।

तिमी संगै माया लाउनेछु कसम प्रेम दिबसको

तिमी संगै माया लाउनेछु, कसम प्रेम दिबसको
तिम्रै सौन्दर्यको गीत गाउनेछु,कसम प्रेम दिबसको !

लेखेको छू तिम्रै नाम मेरो मनको मन्दिरमा
जूनीजूनी साथमै आउनेछु, कसम प्रेम दिबसको !

आउछौ तिमी त मेरै कल्पनाको फूलबारीमा
तिम्रै ढुक्ढुकीमा छाउनेछु, कसम प्रेम दिबसको !

देउता भाक्छन मन्दिर जान्छन यहाँ कति कति
लाएर तिम्रै पछि धाउनेछु, कसम प्रेम दिबसको !

चाहिदैन सूख तिमीबिना कुनै नयाँ संसारको
तिम्रै सिउदो सजाउनेछु, कसम प्रेम दिबसको !

रेशम श्रेष्ठ
हुवाश्-३ पर्वत ।